Gomd a nu soabã

Gomd a nu n soaba

﴿إِنَّ اللهَ مَعَ الّذِينَ اتَّقَوا وَالَّذِينَ هُمْ مُحْسِنُونَ﴾

 (سورة النحل: ١٦-١٢٨)

“Ad Wẽnnaam bee ne neb nins sẽn zoetb Wẽnnaama, la neb nins sẽn yaa manegdba”

(Annahl: 16/128)

F sã n dat n bãng tɩ pʋʋsgã kũuna, la zũnuuf-bɛdã basg yaa nedeng-tʋʋm sɩd-sɩda, n le yaa rog-ne tʋʋmd sẽn zemsd ne ãdem-biig naanegã, bɩ f ges la f kelg bilg-koɛ-kãnga:

Ad sodaas a yiib n ra zĩnd sodaar sull a yembr pʋgẽ, zabr-kẽnd wakato. La sodaag a yembra yaa ned sẽn paam zãmsgo, n nong tʋʋmdã. La sodaag a to wã yaa zɩt sẽn nong a menga. Sodaag ning sẽn nonga a tʋʋmã ra tara nidgd-pãng ne zãmsgã la zabrã. A pʋs n ka tagsd a vɩɩmã la a rɩtlã yell abada. Bala a miime tɩ yẽ rɩlgrã la a zab-teedã la a tɩbsgã, hal ba rɩk rɩ-võr n sagl a noorẽ wã tʋlsem wakata, rẽ fãa yaa goosneema wã tʋʋmde. A le miime t’a tʋʋmdã meng yaa sodaarã la zabrã zãmsgo. La sasa ninga a mi n tʋmda tʋʋm sãnda sẽn tar tõkr ne vɩɩma, la a mi n sogend zab-teedã. Sasa ning t’a mi n segend rɩɩb la a pegd laase, n manegd-ba. B sã n sʋk-a tɩ yaa bõe la a maanda? La a sẽn yet tɩ tẽngã tʋʋmd la a reeg n tʋmdẽ. A pa yet t’a tʋmd n baooda a vɩɩmã ye.

La sodaag a to wã sẽn yaa zɩt n yaa rɩ-rɩt sẽn yaa yõ-be-nedã, a ra pa nidgd-pãng ne sodaarã la zabrã zãmsg ye, a ra yetame:

Bõe tʋʋmd la mam tar kaanẽ? Bal yaa goosneema wã tʋʋmã. A ra tagsda a rɩɩbã yell wakat fãa, la a zoet n sesd n baood a rɩtlã, la a basd sodaarã sullã n kẽnd n rood raase.

T’a tũud-n-taagã sẽn ya soda-zãmsã na n gom ne-a raar a yembr n yeel-a:

Yaa foo m ma-biiga, bãng tɩ fo tʋʋmda meng yaa sodaarã la zabrã zãmsgo, la rẽ yĩng me la b wa ne foo ka. Kõ-sɩd ne naabã t'a ka na n tol n bas-f kom ye, bal yaa a tʋʋmd la rẽ. Fo sẽn yasa, fo yaa koams n le yaa talga, fo ka na n tol n tõog n paam ned zĩig ba a yembr t’a rɩlg-f ye. Tõnd sẽn yaool n be wakat ning pʋga yaa zab la zab-mooneg wakato. La f sã n tõdg rẽ b na n nams-f lame, bal fo yaa kɩɩsdã.

Yaa sɩda, ad tʋʋm a yiib n be tõnd neng taoore:  

Tʋʋmd a yembra yaa naaba tʋʋmde, tʋʋm kãng yaa naabã sẽn na n modg tɩ tõnd paam rɩtlã. La sẽn be ne tõnd me, ya d yals ne a sõgeneg wakat sãnda. 

La tʋʋmd a to wã yaa tõnd menga tʋʋmdã, yẽ me la zãmsgã la zabra kẽnã. La sẽn be ne naaba me, ya a modg tɩ tõnd paam zab-teedã.

 Bɩ f togs-m wɛ! Soda-kãnga sã n tõdg t’a kõn kɩll a tʋbr n kelg soda-zab-mitã sẽn paama zãmsgã, yaa bõe yell n le ta a sẽn be a soab pʋga? Maag f yĩng tɩ f na n wʋma a vɩʋʋgo.

Yaa foo m yõor sẽn yaa kʋɩɩma, ad zab-laaga sẽn dĩmsd la wusdẽ wã, yaa dũni vɩɩmã alhaala sẽn tar rabeemã.

Ãmmaa sodaas nins b sẽn pʋι-b sul-sulã, yaa ãdem-biisã.

Ãmmaa soda-sulã, yaa zãmaan kãnga lislaamba sullã.

Ãmmaa sodaas a yiibã:

A yembr soaba yaa lislaam sẽn ya wẽn-zoɛta, sẽn mi a dĩinã farɩd-dambã, la a tʋmd ne-a, la a zabd ne a yõorã la a soytãanã, sẽn na yɩl n bas zũnuub-bɛdã tʋʋma, n da wa paam zũnuub ye.

La ãmmaa yiib n soabã, yẽ yaa dĩin-yitã la koangdã, sẽn bõr a vɩɩmã yɩɩr pʋga, n wa tɩ sek a na n rõd Rɩlgr-naaba menga. N basd a dĩinã farid-dãmbã, la a tʋmd zũnuub-rãmba wala a sẽn date, a rɩtlã baoob pʋgẽ. 

Ãmmaa saglsã la sodaarã zãmsgã, yaa tũudmã. La pʋʋsgã me la tũudmã zu-raoogo.   

Ãmmaa zabrã, ya f sẽn na n zab ne yõ-wẽngã la yõor-yamleoogã, la zĩn-soԑtãambã la nin-soԑtãambã, sẽn na yɩl n tɩlg sũurã la yõorã n yi zũnuub-rãmbã tʋʋma, la zʋg-yoodã, la halakr sẽn ka tar tɛka.

La tʋʋm a yiibã: B yembr soaba, yaa vɩɩma ne rɩɩbã kũuni. La yiib n soabã, yaa Wẽnnaam sẽn yaa vɩɩm-kõtã la Rɩlgr-naaba tũudum ne nonglem la bark-pʋʋsgo, la gãneg-m-meng maaneg la bobl-m-meng la bas-m-yam maaneg ne Wẽnnaam, la Wẽnnaam teegre.

Yaa sɩda, bãng tɩ naab ning sẽn naana bõn-naandsã, la a kõt vɩɩmã sẽn yaa bũmb sẽn yιιd ne yel-solemd Pãng-naaba naanegã pʋga, la Wẽnnaam hιkma sẽn tι yιιd ne sõmblma, ad yaa Yẽ la Yemblem-naab ning sẽn rɩlgd bõn-naandsã n kιtdẽ tɩ vɩɩmã ruumdẽ wã, soab a to ka be sẽn pa Yẽ ye.

Fo rata daliil bι?

Ad rũng sẽn tι yιιd valeng la yalemd paamda rιιb sẽn tι yιιd sõmblem, wala tι-biisã zũn-zũyã la zĩmã alhaal sẽn ya to-to wã. La bãng tι bõn-naandg sẽn tι yιιd komslem la valemsg rιta rιιb sẽn tι yιιd yιlemde, wala kom-bõonegã la kom-peelsã alhaal sẽn yaa to-to wã.

Yaa sɩda, sẽn na yιl tι f bãng tι rιιb paoongã yɩta ne pãn-komslem la valemsgo, la kay  pa ne pãng la f yam-yãkre, seka ne-f tι f geel la f mak n ges welgr ning sẽn be zĩmã ne we-baasã sʋka, la kom-bõonesã ne we-rũmsã sʋka, la tιιsã ne rũmsã sʋka.

Sã n yaa woto, ad ned ning sẽn basd pʋʋsgã rιtlã baoob yιιr yĩnga, a bilgr yaa wala sodaag ning sẽn basd a sodaarã zãmsgã la a wũundg-zĩiga, n tι be raasẽ n bõosdẽ. La sã n yaa kẽn n bao rιtlã, Rιlgr-naaba sẽn ya Kõt-naaba yolsgã ragend pʋga, sẽn na yιl n ra wa saad n bõsd neb yinga, a sẽn yao pʋʋsgã wakatã poore, yaa kẽn sẽn be neere. A pʋs n yaa nedeng la raood tʋʋmde. La tʋʋm-kãngã meng yaa tũudum. 

Rẽ poore, hakɩɩk pʋgẽ, ad ninsaala rog-ne wã la a yẽbgrã wilgdame tι yaa tũudmã yĩng la b naan-a, ne sẽn mik tι tʋʋma la tõog ning sẽn yaa tιlɛ dũni vιιmã pʋga wɛɛngẽ, ninsaalã yaa valeng n yιιd liuulã. La tũudmã la ganeg-m-mengã sẽn ya tιlɛ laahhra vιιma baoob pʋga wԑԑngẽ, ninsaalã bãngra la tʋlsma yĩng kɩtdame t’a yaa rũm-muksã naaba la b taoor-soaba.

Sã n yaa woto, yaa foo yõore:

Lat tι fo sã n dιk dũni vιιmã n maan f bũm-baoodgã zu-raoogo, n kẽnd a yĩng wakat fãa, hakɩɩka liu-bil na sãoog fo.

La fo sã n dιk laahrã vιιm n maan f bõn-baoodgã zu-raoogo, la f rιk dũni wã vιιm n maan laahrã pʋʋg la sore, n yik n tʋm laahra tʋʋma, wakat kãnga fo na n lebga na-kẽeng rũmsã fãa taoore. Fo na n le lebg yamb sẽn yaa ganeg-m-meng soaba b sẽn nonge, la Wẽnnaam sẽn yaa na-kẽenga sãan-wagell b sẽn waoogd dũni kaanẽ.

La soy a yiib n be f taoore, fo n yãkd f yam-sore, la f bao kãndgr la segl-sõng Yolsg-naab a Wẽnnaam nengẽ.