Rasaa’ιlʋn Nuura gaf-rãmbã

Walldã:

Imaam Badιʋzamaan Sa’iid Nursi

Lebgrã:

Hayraat

Lebgdã:

SIMPORE Bassirou

Manesgã:

KABORE Noufou, YODA Harouna, KOUANDA Mahama, SAKANDE Sidiki, ZIDA Mahama, DOUBARE Sita.

Wẽ-n-yiisã:

Hayraat sebã yiisg zaka

Gaf-rãmbã sẽn wall ne zιlemd ningã:

Turkiyẽemdo

Sẽnlebg ne zιlemd ningã:

Moore

Woto yaa Rasaa’ιlʋn Nuurã -sẽn yaa Alkʋr’aan wagellã welsgã- b sẽn lebg n yi Turkiyẽemd n kẽng Moore. Lebg-kãngã gũusda nasa maana wã sõma, tι zemsd wala sẽn be a yẽgrẽ wã. Lebgrã tũuda soy a naase, wala sẽn wata:

1-    Ned sẽn yi Rasaa’ιlʋn Nuurã zakã pʋgẽ, rat n yeel tι ned sẽn mi Rasaa’ιlʋn Nuura sõma, n fasemd-a la a karemd-a wakat fãa, la a mi a nao-kẽndrã, la a mi Moorã sõma, yẽ n rengd n yals ne a lebgrã

2-    Sẽn pʋgde, yaa manesgã sullã n reegd n karem la b ges tι maana wã sã n zemsda ne nasa yẽgrã. Sull kãng me nebã, yιta neb sẽn wub Rasaa’ιlʋn Nuurã sãntr-rãmbã pʋgẽ, la b tar minim sõma ne Rasaa’ιlʋn Nuurã.

3-    Rẽ poorẽ, tι neb sẽn tar Moorã kaoreng la a gʋlsg bãngr reeg n ges Moorã gãnegrã.

4-    Sẽn na n tι baase, lebgdã reegda yam-tagsg nins fãa sulla sẽn kõ wã n gese, la a maneg n baase, tι b yaool n wẽ gafã n yiisi.

Sẽn le paasde, a Imaam Badιʋzamaan Sa’iid Nursi kẽe gaf-bɛdã pʋgẽ, wala Kalimaat (Goama), Lam’aat (Vẽenem), Maktʋʋbaat (Seb-gʋndem), la Sʋ’aa’aat (Bʋg-kãna), n yãk masala n tι ning gaf-rãmb a taab pʋgẽ, wala « Asaa Muusaa » ( a Nabi Musa Rasaarã), « Zʋlfιkaar », « Talaasιm », « Sιraag Nuur » la « Hatmu tasdιιkʋl Gaybι”. Rẽ n so tι tõnd me kell n gũus yel-kãnsã morã sẽn rιgl a toora, tõnd lebgrã pʋgẽ, n kell n maan-a t’a zems wala sẽn be a yẽgrẽ wã.

D kota Wẽnnaam t’a reeg tʋʋmdã, la a ning-a d tʋʋm-sõma laok pʋgẽ.