A Bismark yell vẽnegr sẽn be a ‘‘Ahmad-rãmb a yiiba” lԑtra pʋga.

A Bismark yell vẽnegr sẽn be a ‘‘Ahmad-rãmb a yiiba” lԑtra pʋga.

D zu-soab la d karen-saamb-zɩsgo.

D zu-soab la d karen-saamba, d vẽnegd n wilgda yãmb naab a Bismark sẽn yaa Almay bãng-kẽengã sẽn gom dĩin-dambã yellã koeese, sẽn tɩ yɩɩda lislaoongã. La a koeesa teesd n wilgda zĩig ning lislaoongã sẽn na n ta wĩndg-sẽn-lʋɩtɩ boabga.

(Sã n ya ne mam sẽn yãnd sԑkl piig la a yopoe wã zĩid-n-taar-vɩɩma bãngr pʋga, la a zʋrnal-rãmba kaorenga pʋga, ad mam yãnda naab a Bismark sẽn kõ vẽenma dĩin nins sẽn looga zuga).

“Sɩd la hakɩɩka mam maaga m yĩng n ges saasẽ gaf-rãmbã b sẽn sika fãa gill pʋgẽ, b sẽn yet-b rãmb tɩ yii Wẽnnaam nengẽ n wa ninbuiidã yell gesg yĩnga, zãmaan toor-toor pʋga, n ka paam bʋʋd-minim ning mam sẽn baooda ba a yembr pʋgẽ ye, la rẽ fãa yaa teedgã sẽn kẽ b pʋgẽ wã yĩnga”.

“Ad lallʋwa kãnsã zãra wʋsg ne a wa ne zu-noog n kõ nebã, sã n ka a Mohammad neba Alkʋr’aana. Ad mam maaga m yĩng n ges Alkʋr’aana neng fãa pʋgẽ, la a pẽk fãa pʋgẽ, n yãnd bʋʋd-minim sẽn bedem a gom-bil a yembr fãa pʋgẽ”.

“Ad a Mohammad –yolsg la tɩlgr be a yĩnga- bԑԑba gomdame tɩ gaf-kãnga yaa yẽ n wall a toore, la ned yaool n wa wa ne yell-sõng wala woto, wilgdame tɩ yaa ned yam sẽn pidi, rat n yeel tɩ nedã b na n maan-a-la beem la kisgri, tɩ b ka baood sɩda n na n yã ye, la woto yaool n yaa bũmb sẽn ka zemsd ne bãngrã la bʋʋd-minmã ye, ad mam yetame t’a Mohammad yaa pãng sẽn be neere, la nin-kãnga buud yԑs waoong tẽeb yaa bũmb sẽn yaa toogo”.

“Yaa foo Mohammad (yolsg la tɩlgr be a yĩnga) ad mam sũura sãamda wʋsg ne mam sẽn ka zĩnd ne fooga, la ad gaf ning fo sẽn sẽega ka fo n gʋls ye, la gaf-kãnga tõdgr tɩ ka Wẽnnaam gafo, yaa bũmb sẽn maand laado, la bũmb sẽn yaa reem, wala bãngrã hakɩɩk-rãmba kɩɩsg sakre. Ad ninbuiidã yãnda tõog wala fo bilgr vugr-tãa b vɩɩmã pʋgẽ, b ka na n le yãnd a buud ye, la rẽ yĩng la m rõbended f taoor ne waoogr tԑk-tԑka”.

Bismark