Doaagã
NAVIGATION
58. Page
بسم الله الرحن الرحيم
يا الله يا رحمن يا رحيم يا فرد يا حي يا قيوم يا حكم يا عدل يا قدوس
(Yaa Fo m Soab a Wẽnnaam, yaa Foo Dũni-yoalsda, yaa Foo Laahr-yoalsda, yaa Foo Yemblem-naaba, yaa Foo Vɩɩm-naaba yaa Foo Yalsg-naaba, yaa Foo Bʋʋd-minim-naaba, yaa Foo Tẽeg-tɩrg-naaba, yaa Foo Yɩlgr-naaba)
Lok a Hʋsrao ning sẽn gʋlsa gafa buud pis-nu ne bik a yembra, la f kẽes a sõngdba sẽn yaa albark rãmb la a tũud-n-taasa la a zo-rãmba sẽn yaa nuura rãmba zu-no-ruumdgã pʋgẽ, Gԑnnaatɩl Fɩrdaosa pʋgẽ, aamiina, la f maan-b segl-sõng wakat fãa liimaoonga la Alkʋr’aana sõgneg pʋgẽ, aamiina, la f gʋls b tʋʋm-sõms karas pʋgẽ yel-sõm tusr gʋls-bil a yembr fãa zug sẽn yi “kom-bɩɩs-toagenda” gafa gʋls-biisa pʋgẽ, aamiina, la f maan-b neer ne tabendgã la ruumgã la pʋ-peelmã “rasaa’ɩlʋn Nuura” sẽegr pʋgẽ, ne Wẽnnaam yʋ-zɩsgã lohorem, la Alkʋr’aana sẽn yaa yel-soalem vẽeneg soaba lohorem, la tẽn-tʋʋm-wagellã lohorem la a albarka, aamiina.
Yaa Foo yolsdbã yolsda, maan Rasaa’ɩlʋn Nuur karem-biisa fãa gill zu-nood rãmb Dũni la Laahre, aamiina.
La F gũ-b la F zãag-b ne zĩn-soԑtãamb la ninsaal-soԑtãamba wẽnga, aamiina.
La F yaaf yemb-valeng kãngã a Sa’iid sẽn yaa miskɩɩna tudgrã n bas-a, aamiina.
Rasaa’ɩlʋn Nuur karem-biisa yʋʋr yĩnga
Sa’iid Al-nursi
Aamiina
59. Page
يا نور يا نور النور يا منور النور يا مقدر النور يا مدبر النور يا خالق النور
(Yaa Foo nuura naaba, yaa Foo nuura soaba, yaa Foo nuura nuurda, yaa Foo nuura kordeda, yaa Foo nuura kẽnesda, yaa Foo nuura naanda)
kõ a ………………..[1] sẽn lebga[2] gaf-kãnga, la a tũud-n-taasa la a zo-rãmba sẽn yaa nuura rãmba zu-no-ruumdgã, Gԑnnaatɩl Fɩrdaosa pʋgẽ, aamiina, la F maan-b segl-sõng wakat fãa liimaoonga la Alkʋr’aana sõgeneg pʋgẽ, aamiina.
La F gʋls b tʋʋm-sõms karas pʋgẽ yel-sõm tusr gʋls-bil a yembr fãa zug sẽn yi “kom-bɩɩs-toagenda” gafa gʋls-biisa pʋgẽ, aamiina.
La F maan-b neer ne tabendgã la ruumgã la pʋ-peelmã “Rasaa’ɩlʋn Nuura” sẽegr pʋgẽ, ne Wẽnnaam yʋ-zɩsgã lohorem, la Alkʋr’aana sẽn yaa yel-soalem vẽeneg soaba lohorem, la tẽn-tʋʋm-wagellã lohorem la a albarka, aamiina.
Yaa Foo yolsdbã yolsda, maan Rasaa’ɩlʋn Nuur karem-biisa fãa gill zu-nood rãmb Dũni la Laahre. aamiina.
La F gũ-b la f zãag-b ne zĩn-soԑtãamb la ninsaal-soԑtãamba wẽnga, ne a Mohammad sẽn yaa dũni wã naanega sababa –yolsg la tɩlgr be a yĩnga- lohorem, la Fo yʋ-zɩsgã la Fo Alkʋr’aan sẽn bʋ-n-manega lohorem, aamiina.
[1] Zĩ-vɩʋʋg kãnga yaa ned ning sẽn lebga Rasaa’ɩlʋn Nuura yʋʋr n ningd beenẽ, sẽn na yɩl tɩ b kos-doaag zall a yĩnga.
[2] Raaba ne “lebgra” zĩ-kãnga wã ka sẽn lebg n kẽng buud-gomd a to ye, yaa sẽn na n lebg n gʋls gafa buudu (lԑbgdã).