Tʋʋt sabellã tɩ-bila
NAVIGATION
53. Page
Tʋʋt sabellã tɩ-bila
Sɩd la hakɩɩka, Sa’iid kʋdgã ra yeel-a-la ne Sa’iid paalgã zɩlemde, tʋʋt tɩɩgã sẽn yaa albark-tɩɩgã zugu.
Mam gomd-n-taaga ka a Dɩyaa’ Baasa ye, ayo, ad yaa neb nins sẽn nongb Eroapa.
Gom-goamdã ka mam yõora ye, ayo, ad yaa mam sũura, ne Alkʋr’aana karem-bil yʋʋre.
Ra wa yirb abada, tɩ ad goamã sẽn togs tɩ loogã yaa hakɩɩka, la f gũus n da wa zʋʋg a tedsa ye.
Ra wa saag n wẽnems n tʋg Eroap filozofɩ-yoodã tagsgã pʋgẽ ye, tɩ ad-a yaa menengo, n tõe n kɩt tɩ f maan nims wakat fãa, bɩ f ra kԑlg-a, la f ra rɩk a yella n loe f zug ye.
Fo neame tɩ ned ning sẽn yɩɩda ne vẽenem la ned ning sẽn yaa taoor-soab pʋtẽer pʋgẽ yeta wakat fãa ne yԑԑs-kãngã sabab tɩ : Ah’, mam na n kũm n taala ãnda ? la yaa ãnda nengẽ la mam na n tɩ kũm n taale ? mam yamã yuusdame.
Alkʋr’aana gomda ne maam tɩ mam tũnugdẽ, m ka yãs n gũusdẽ ye
Mam kũmd-n-taand-a-la a nengẽ, mam ka yirbd wala foo ye.
La m kũmd n baood sõngr Sɩd-naaba nengẽ ne sɩda, la m ka maand n zʋʋg wala foo ye.
Mam bee tẽngẽ wã n kot sõngr saasẽ, la m ka yԑԑsd wala foo ye.
La Alkʋr’aana pʋga: Boolgã yita nuura wã pʋg n tʋgd nuura wã pʋgẽ, la m ka yirbd wala foo ye.
La Alkʋr’aana pʋga: Sɩdã la bʋʋd-minmã, mam sɩdgd-b lame, la filozofɩ wã ka ta wakɩ-beell mam nengẽ ye.
La Al-fʋrkaana[1] pʋga: Hakɩɩk-rãmba sanem-pԑԑlga, mam tekd-b-la ne m yõora la m sũura zɩɩm, mam ka rɩkd-a n koos wala foo ye.
[1] Yaa Alkʋr’aana yʋʋr a to.
54. Page
Mam loogd n yita bõn-naandsẽ wã n tʋgd Sɩd-naaba nengẽ, mam ka menemd wala foo ye.
La mam yɩkd n gãnga so-gõosa, mam ka tabd-a wala foo ye.
La mam pʋʋsda bark n yit tẽngẽ n tʋgd saasẽ, mam ka maan sõm-zɩɩlem wala foo ye.
Mam geta kũumã la lagԑlã wala zo-rãmba, mam ka yԑԑsd wala foo ye.
Mam kẽeda kabra tɩ m yaa sẽn laad ne sũ-noogo, mam ka rigd wala foo ye.
Mam ka get kabrã tɩ yaa wag-kẽenf noor la rabeem pĩ-gãag la kaalem kokor wala foo ye.
Yẽ n taasd maam m zo-rãmba, mam ka get kabrã t’a yaa wẽnga, mam le ka gẽed wala foo ye.
A yaa yolsg rignoore, la nuura rignoore, la sɩd rignoore, a yell a ka weoogd-ma, m le ka tard me ye.
Mam kogsda a rignoora[1] tɩ m yaa sẽn yet tɩ « bɩsmillaahɩ » la m ka wẽnemsd m poorẽ ye, m ka yԑԑsd me ye.
M na n zĩnda a pʋgẽ tɩ m yaa sẽn yet tɩ « Alhamdʋ lillaahɩ » la m vʋʋsdẽ, m ka yãt naongo, m ka yԑԑsde.
La m na n yika wakat ning m sẽn wat n wʋm dũni-yikr laandãana, tɩ m yaa sẽn yet tɩ « Allaahʋ akbar », mam ka yԑԑsd yik-kẽengã[2] ye, mam ka na n led n pa n pa kẽng mis-kẽengã pʋgẽ ye.
Wẽnnaam yolsgã la Alkʋr’aana nuura wã la liimaoonga alfayd yĩnga, mam ka sãamd m sũur abada.
Mam na n zoeeme n ka yals ye, la m yɩk n tʋg Rahmaan-naab Al-arsa maasmẽ, Wẽnd sã n sake, mam kõn yirb wala foo ye.
SA’IID AL-NURSI
[1] Mam ka na n yԑԑs n wudg la m yetẽ tɩ ya m sũ-sãanga! (walldã)
[2] Mam kelgda a Ɩsraafɩɩl dũni yikr fagira laandãana boolga, n yik tɩ m yaa sẽn yete: Allaahʋ akbar, mam ka na n led n pa n ka kẽng pʋʋs-kẽengã ye, la mam ka yԑԑsd tigim-kẽengã me ye. (walldã)