A Imaam Badɩɩ’ʋzamaan Sa'iid Nursi lԑtr a sẽn gʋls zall n kõ rasaa’ɩlʋn Nuura karem-biis sãnda

Lԑtr m sẽn gʋls n kõ m ma-biis sãnda

M na n tẽega masaal-zulung a yembr sẽn be hadiis-zɩsd a yiib pʋgẽ n wilg m ma-                                        biis nins sẽn maand yam-yiib ne Rasaa’ɩlʋn Nuura gʋlsga la a lebgra, n rat n maand wɩrdã[1] tũudmã kiis a tãabã[2] pʋga, la b bas Rasaa’ɩlʋn Nuura gʋlsgã la a lebgrã sẽn yaa tũudmã kõbg a nu[3] wã yembra.

Pipi soaba: "يوزن مداد العلماء بدماء الشهداء" (bãngdbã rʋbã peesda ne gihaad-zabdbã zɩɩm) pa rẽ bɩ yaa wala a sẽn yeela. Rat n yeele: Ad hakɩɩkã bãngdbã sẽn tar rʋb ning n gʋlsdẽ wã peesda ne gihaad-zabdbã zɩɩm Alkɩyaoom daare. (Rat n yeel tɩ b fãa yel-sõma ya a yembre).

Yiib n soaba: "من تمسك بسنتي عند فساد أمتي فله أجر مائة شهيد" (ned ning sẽn gad mam Sũnna mam zãma wã sãang wakato, a tara gihaad-zabdb koabg yel-sõmde) pa rẽ bɩ wala a sẽn yeela. Rat n yeele: Ad ned ning sẽn gada sũn-yɩlengã, la Alkʋr’aana hakɩɩk-rãmbã la a sõgen-ba, bida wã la menengã sẽn wat n sẽega wakato, a tõe n paama gihaad-zabdb koabg keoore.

Yaa yãmb m ma-biis nins kʋɩɩngã sẽn kɩt tɩ b maand yam-yiib ne gʋlsgã la lebgrã, la sẽn tar-b sʋʋfɩɩmda yama, ad hadiis-kãnsã b yiiba vẽnegd n wilgdame tɩ õns[4] a yembr sẽn raagd n yit nuura sablgã (rʋbã) pʋga, la  sẽn yit vɩɩm rʋb sẽn yit albark-bigsã pʋsa, n sõgend limaoongã hakɩɩk-rãmbã la sãri wã masaala-rãmbã la Sũn-yɩlengã rũnda zãmaana pʋga, tõe n nafa yãmb Alkɩyaom daar wala gihaad-zabdbã zɩɩm õns koabga, sã n yaa woto bɩ y nidg-pãng n paam-a.

La yãmb sã n yeel tɩ hadiisã sẽn goma yaa “bãngdbã”, la yãmb sãnda yaool n yaa gʋlsgdb la lԑbgdb bala.

[1] Wẽnnaam yʋʋrã tẽegre(yõkre)

[2] Ragԑb, Saabaan, Ramadaan

[3]  D kosa d karen-saamba t’a vẽneg tũudmã kõbg a nu ning a sẽn gom a lԑt-yɩlengã pʋga, t’a sɩd vẽneg-a n wilg-d wala sẽn wata:

1-yaa gihaadɩ-kẽeng ning sẽn yaa f zab ne menengã f mengẽ wã,

2-yaa karen-saamba sõgnego, ne a sẽn na n sõng-a hakɩɩk-rãmba sẽegr pʋgẽ.

3-lislaambã sõgnego, liimaoongã wԑԑngẽ.

4-Bãngrã baoob ne kaal-moogo.

5-Tũudum ne tagsgo, ne sẽn mik t’a lԑԑr a yembr yaa wala yʋʋmd tũudma.

[4] Yaa bũmb sẽn tar n magde, la a voalԑԑrã yõsa taab tẽms sãnda pʋgẽ (lebgdã).

Leokrã: Ad ned ning sẽn karemda masaala kãnsã la kaoreng kãnsã ne fasem la sakre, yʋʋmd a yembr pʋgẽ, a tõe n yɩɩ bãngd liimaoongã hakɩɩk-rãmbã pʋgẽ, n naf zãmaan-kãngã rãmbã.

La ba t’a sã n ka fasem-a me, sẽn mik tɩ Rasaa’ɩlʋn Nuura karem-biisã yaa yĩng-a-yembra, sik ka be tɩ yĩn-kãngã yaa bãngd sẽn tar yõod ne zãmaan kãnga ye.

La ãmmaa yãmb bigsã, yẽ yaa yĩn-kãngã nug-biisã, d sã n rɩk makr tɩ yãmb maanda tõkr ne nin-valengã yãmb sẽn boond tɩ karen-saamb bɩ bãngd ne tẽ-sõnga, karem-biilim pʋga, la mam yaool n neeme tɩ mam ka ta zĩ-kãng ye. La mam sẽn pa ned sẽn karem yĩng n ka mi gʋlsga, ad yãmb bigsã yaa mam bigsi, la yãmb na n paama keoorã sẽn be hadiis-zɩsga pʋga.

Sa’iid An-nursɩ