Pipi sababã

Bã-kԑgeng kãngã tɩɩm yaa pʋ-peelmã bal tãa.

Rat n yeel tɩ bũmb ning sẽn tõe n kɩt tɩ ninsaalã paam segl-sõng ne pʋ-peelmã, ya a sẽn na n bas yõorã yamleoogã pʋgb la a pʋg sɩdã, la a tũ aaya-kãngã sagellã:

﴿إِنْ أَجْرِيَ إِلاَّ عَلَى اللهِ﴾) سورة سبأ: ٤٣/٧٤(

(Mam keoorã ka be zĩig a to rɩlla Wẽnnaam nengẽ),

ne a sẽn na n bas yõorã yamleoogã la nong-m-mengã yella la a rɩk sɩdã yellã n lʋɩɩs taoore, la a tũ aaya-kãngã me sagellã:

﴿مَا عَلَى الرَّسُولِ إِلاَّ البَلاَغُ﴾) سورة النور: ٤٢/٥٤(

(Bũmb pa rog tẽn-tʋʋmã n zʋʋg taasgã ye),

ne a sẽn na n sek a meng[1] n bas keoor la piuug ning sẽn be nebã nengẽ wã, la a bãng tɩ nebã sakrã, la a tʋʋmdã na tall tagems nebã nengẽ wã, la paam tɩ nebã pʋgd-a wã, woto fãa gill bee Wẽnnaam nugẽ, le yaa Wẽnnaam segl-sõngo, a ka bũmb sẽn naag a tʋʋmdã sẽn yaa taasgã pʋgẽ ye, la ka segd ne-a me t’a rɩk-a n maan a zu-loԑԑg ye, b le ka rogl-a ne rẽ ye. Sã n pa rẽ, a na n konga pʋ-peelmã.

[1] Ya d sẽn na n rɩk ma-biirã nonglem zʋgd ning Sahaabsã sẽn tall tɩ Alkʋr’aan wagellã pẽga, n maan d kãndgd la d toagenda. Rat n yeel tɩ d segd n rɩka d ma-biisã n yɩɩs d mensã, kũun-dambã la sãra-rãmbã reegr pʋgẽ. La d bãng tɩ yõod-vẽeneg ning tõnd sẽn paamd dĩinã tʋʋma pʋga, tɩ d pa kos la d pʋs n ra pa ning-a d yamẽ wã, yaa Wẽnnaam maan-neer t’a kõt-do, la d tõdg nebã lohormã pʋgẽ kõom, pa rẽ bɩ d pʋs n tõdg kũun nins b sẽn kõt tõnd dĩinã tʋʋm pʋga, bal d ka segd n bao dũni bũmb d dĩinã tʋʋm pʋgẽ ye, sẽn na yɩl tɩ d ra kong d pʋ-peelmã ye. Hakɩɩk pʋgẽ, lislaambã segd n gesa sẽn yãsb ne dĩinã vɩɩmã yelle, wala b sẽn segd n yãk zakã n kõ-ba, la a pa bũmb b sẽn segd n bao pa rẽ bɩ b kos ye, ayo, yaa bũmb b sẽn kõt tɩ pa yɩ ne kosg ye. B sã n kõ-ba, b pa segd n yeel tɩ ya b tʋʋmdã keoor ye. La ninsaal tõe n põsa yel-wẽng kãngã, ne a sẽn na n tũ aaya-kãngã raabã: “B tũusd n nonga b ma-biisã n yɩɩd b mensã, ba tɩ b sã n tara tʋls-kԑgenga” (hasr: 95/9).

﴿وَيُؤْثِرُونَ عَلَى أَنْفُسِهِمْ وَلَوْ كَانَ بِهِمْ خَصَاصَةٌ﴾ (سورة الحشر: 95/9(

La a sẽn na n yɩ sek-n-meng soab a pãng-tõog tԑka, la a sẽn na n yãk ned ning sẽn segda ne bũmba n yɩɩda, la a bas a mengã, tɩ yɩ sabab t’a paam pʋ-peelem.