Zemsg sẽn segd wẽnems n ges n le yaa tagsg zĩiga

“Masaall a nu n soaba” sẽn yi “lԑtr pisi la a ni n soaba” pʋgẽ

Barak-pʋʋsg masaalle

Bɩsmillaahɩr rahmaanir rahɩɩmi

Bõn-naandg ka be rɩllame t’a yɩlgda Wẽnnaam yʋʋra n lagem ne pẽgre.

Ad Alkʋr’aana sẽn yaa yel-soalem-vẽeneg soab vẽnegdame n wilgd ne aaya-rãmba yɩlemg wala:

﴿أَفَلاَ يَشْكُرُون﴾ (سورة يس: 36/73)

« yalla y ka na n pʋʋs barka » (sʋʋrat yaasɩɩn : 36\73)

﴿وَسَنَجْزى الشَّاكرينَ﴾ (سورة آل عمران: 3/145)

 « la d na n rola bark-pʋʋsdbã » (sʋʋrat aalɩ ĩmraan :3\145)

﴿لَئِنْ شَكَرْتُمْ لأَزيدَنَّكُمْ﴾ (سورة إبراهيم:14/7)

« Latɩ yãmb sã n pʋʋs barka, hakɩɩka d na paas-yã » (sʋʋrat Ɩbraahɩɩm : 14\7)

﴿بَلِ الله فَاعْبُد وَكُنْ مِنَ الشَّاكِرين﴾ (سورة الزمر:39/66)

« Ayo, tũ Wẽnnaam a yembr tãa, la f lagem bark-pʋʋsdbã » (sʋʋrat Al-zʋmar : 39\66)

tɩ bũmb sẽn yɩɩd sõmblem Naanda sẽn yaa Yolsg-naaba sẽn dat a yembsa nengẽ yaa bark-pʋʋsgã, la A boond n tʋgd bark-pʋʋsgã Alkʋr’aana sẽn bʋ-n-manega pʋgẽ ne ning-toog sẽn taase, la a vẽnegd n wilgdẽ tɩ bark-pʋʋsgã kaalem yaa yagsg la sõm-zɩɩlem maaneg ne neema-rãmba, la a sõogd nug ne nug-sõog-kԑgeng sʋʋrat ‘‘Al-rahmaan’’ pʋgẽ noor pis-tã la a yembre, A gafa pʋgẽ:

﴿فَبِأَيِّ آلاَءِ رَبِّكُمَا تُكَذِّبَانِ﴾ (yaa yãmb soaba neema bʋg la yãmb -zĩn-dambã la nebã- sẽn yagsda). La a vẽnegd n wilgdẽ tɩ bark-pʋʋsgã kaalem yaa yagsg la tõdgre.