Bũmb bilf sẽn yi Rasaa’ɩlʋn Nuur gãndaooga a “Hʋsrao” lԑtra pʋgẽ, sẽn zemsd ne “masaall piig la a yembr n soaba”

RASAA’ƖLƲN NUURA GÃNDAOOG A “HƲSRAO” LԐTRÃ SÃNDA

SẼN ZEMS NE “MASAALL PIIG LA A YEMBRA” SẼN BE TƖ-BIL MASAALLÃ PƲGA

باسمه سبحانه

وإن من شيء إلا يسبح بحمده

Bũmb ka be rɩllame t’a yɩlgd Wẽnnaam yʋʋra.

السلام عليكم ورحمة الله وبركاته أبدًا دائمًا

Asalaamu aleykũm wa rahmatʋl laahɩ wa barakaatuhuu, abadan daa’ɩman

Yaa d karen-saam-noang la d zu-soab sẽn yaa albark soaba,

Ad Tɩ-bilã – ne a masaala a wԑ wã fãa gilli- sẽn tigma yԑl-wʋsg sẽn tar nafa la yõod tẽngã la ninbuiidã yĩnga, a ka sabab sẽn sek a karem-biisã tik n paam tɩlgr sõma zãmaan-kãngã sẽn tar rabeema pʋgẽ, la wẽn-kɩɩsbã la bԑԑbã sʋk ye, la a talla a masaall piig n soabã la piig la a yembr n soabã n keng Rasaa’ɩlʋn Nuura karem-biis nins sẽn be hakɩɩkã zuga pԑlga, la a bao vẽenem yaoogã rabeema yell zugu, zĩig ning sẽn ya b lԑbenga zĩig sɩd-sɩda, la a kɩt tɩ b maand nonglem ne malԑksã sõsd-n-taarã la b zĩid-n-taarã, malԑks nins b sẽn na n yã la b sõs ne yaoog ning sẽn kẽesd nebã fãa rabeema pʋga,  n le yaa yԑԑsg la rabeem la namsg la sũ-sãams zak ne yam-yaal-yaalã rãmbã, n kɩt tɩ b paamd nen-yubsg ne zĩ-kãngã n yɩɩd bũmb fãa gilli, la ne woto, la a tõog n yãk rabeemã n bas laahr zaksã pipi soaba sẽn yaa rabeem-zaka, n kɩt tɩ b paam n vʋʋs n yi mosɩɩbã, n lebg wala limyԑԑr t’a vẽenmã ta yʋʋm tus-kobs kẽnd zĩigẽ, ned ning sẽn yaa wala maam n ka tõe n yã nuura dũni-kãngã vɩɩmã pʋga yĩnga, t’a lebg wala tɩ-puud sadĩng tɩ b wʋmd a yũ-noogã wakat fãa.

Yaa sɩda, ad tõnd kota d karen-saam-noangã t’a kõ-d sor tɩ d vẽnegd nafa nins tõnd sẽn paamd Rasaa’ɩlʋn Nuura pʋga n wilgd-a wakat fãa, wala karem-bil sẽn lebsd a kaorengã a karen-saambã taoor daar fãaga, la d karen-saam-noangã nan yalsa sõsga bilfu.

Yaa d karen-saam-zɩsgo, ad Rasaa’ɩlʋn Nuura hakɩɩka, la Tɩ-bilã neermã la Tɩ-puugã yõoda leemsa maam sũ-noogr gomd mam tẽnga yʋʋr yĩnga, la a vʋʋg sũy nins sẽn gomdb wʋsg wala mam rẽ wã, la mosa tɩ-puug piig la a yembr n soaba sẽn be Tɩ-bil masaallã pʋga kɩtame tɩ mam paam neb sẽn zẽk b kars n wat Rasaa’ɩlʋn Nuura pʋgẽ, la neb sẽn tẽeg b nus n baood-a mam tẽngã pʋgẽ n yɩɩd zĩig zãnga, t’a lebg vẽeneg n sɩng a tʋʋma.

Yãmb karen-bi-valengã “Hʋsrao”