Lԑtr a “Hʋsrao” sẽn gʋls n kõ a karen-saambã masaall piig n soaba sabab

Lԑtr a “Hʋsrao” sẽn gʋls n kõ a karen-saambã

masaall piig n soaba sabab

Yaa m zu-soab la m karen-saamb noangã!

Ad tõnd pẽgda wẽnnaam pẽgr sẽn ka-tԑka, ne d sẽn paam “Emirdag tɩ-puuga” b sẽn pʋd-a tɩ “masaall piig n soaba” sẽn be “Denizli” bãns-roogã tɩ-bilã masaallã pʋga, sẽn booga tõnd kiuug a yiiba welgrã sũ-sãamsa, la a boog yãmb kibara kaalma sũ-sãanga, la sẽn kõo tõnd sũyã laafɩ, la a kõ tõnd yõya pems-paalg sẽn yaa yɩlenga, la sẽn gomda Alkʋr’aana aaya-waglã la yolsgã yellã, la ninbãan-zoeerã aaya-rãmba yɩlemgã yõoda yella, la a vẽnegd n wilgd a yɩlemga yõoda la a darʋʋra, la sẽn le yaa “Rasaa’ɩlʋn Nuura” sõngd sẽn be neera, sɩd-sɩda, wakat ning fãa tõnd sẽn wat n yõbs tɩ-pu-kãnga sẽn segd ne waoor la manegra, la tõnd nonglma sẽn paasde.

Sẽn mik tɩ “masaala a wԑ wã” vẽnega a neerma ne a sẽn yɩ sabab tɩ tõnd zãag n yi bãns-roogã naongã kiuug a wԑ tõra, ad a tɩ-puug ning sẽn yaa “masaall piig n soaba” me vẽnega a neerma, ne a sẽn vẽneg yel-soalem nins sẽn be yel-soalem gafã sẽn yaa Alkʋr’aana pʋga.

Yaa sɩda, yaa fo m karen-saam naongã, wala warda tɩ-puugã sõmblmã la a neermã sẽn pɩnda sẽn kɩt tɩ nebã ka le ne a tɩɩgã gõosã, ad tɩ-pu-kãngã[1] sẽn yaa nuura tɩ-puuga me yĩmsa tõnd bãns-roogã naong ning sẽn duum kiuug a wԑ wã, n saas-a gilli.

Ad tɩ-pu-kãngã sẽn tar nuura wã, tɩ-puug ning b sẽn gʋls ne nao-kẽndr sẽn be neera, n kɩt tɩ ned ning sẽn karem-a n sa fãa bɩ a rat n le karem-a n yɩlma, la sẽn yirbda yamã, a vẽnega Alkʋr’aana zɩslma n tɩ ta daragԑ sẽn wilgd tɩ yaa tɩlԑ tɩ b rɩk dũni wã gill n sõng-a, ne a sẽn vẽneg  yõod ning sẽn be a aaya-rãmbã yɩlemgã pʋga –ne neerem wʋsg ning a sẽn zãada- n wilg neb sãnda sẽn yaand Alkʋr’aana, n rat n lebg-a ne buud-gomd a to n kɩt t’a lebg bõn-yaalg nebã gesg pʋga.

[1] Yaa masaall piig n soabã, b sẽn boond tɩ Emirdag tɩ-puugã. (lebgdã).

Hakɩɩka Alkʋr’aana sẽn yaa yel-soalem-vẽeneg soaba sẽn yɩlemd pʋlem-wẽngã sẽn tar pãnga, b sẽn pʋlemd ne zãmaan fãa wẽgdbã, kɩtame tɩ yãmb karem-bilã pʋʋsd Wẽnnaam bark wakat fãa ne sũ-noog sẽn bԑdma, Alkʋr’aan ning b sẽn sɩdg a nonglmã tɩ yaa wala ya a sẽn nan sigda, ne a pʋgdbã sẽn wɩsg b mens n gad-a zãmaan fãa pʋga, la ne b sẽn sak n gad a saglsã la b bas a sẽn gɩdga, la Alkʋr’aana sẽn yɩlemd yolsgã la ninbãan-zoeerã yell n togend neb nins b sẽn wẽga, la a sẽn kɩt tɩ wẽgdbã be alhaal sẽn ka tar mak-n-taag pʋg n wiisdẽ la b kelemd hal yʋʋm a yoob bɩ yopoe tõra -ne pʋlem-wẽns sãnda nins a sẽn pʋlemd ne zãmaan-yaoogã wẽgdbã- tɩ yaa wala b bee Gahanmã pʋg sẽn wẽnd mosɩɩb-kẽengã, la Rasaa’ɩlʋn Nuurã karem-biisã sẽn be neb nins b sẽn wẽg rũndã zãmaana pʋga taoora, la a sẽn kɩt tɩ karem-bi-kãnsã paamd tɩlg-kẽeng sɩd-sɩd wala tɩlgr ning nabiyaam-dãmb nins sẽn looga sẽn paama, la a sẽn vẽneg n wilg tɩ wẽnd-ka-be wã rãmbã –neb nins sẽn gɩdgd Rasaa’ɩlʋn Nuura- na n paama Gԑhanmã namsgã, la “tɩ-puugã” sẽn baas ne gom-lekds a yiib sẽn be neera, woto fãa gill le kɩtame tɩ yãmb kãrem-bilã pʋʋsd Wẽnnaam bark wakat fãa ne sũ-noogo.

Hal tɩ mam meng yeel m ma-biisã noor wʋsg wala m sẽn yeel m karen-saam-noangã: “ad mam vɩɩma fãa gill pʋgẽ, mam ka tol n paam kɩdeng la sũ-noog wala tɩ-pu-neer kãngã sẽn kõ maama ye” Wẽnd na yar-f wakat fãa yaa fo m karen-saamb noangã! Hakɩka fo tʋka zɩ-zɩsgo, la Wẽnd na maan-y zu-noog sẽn duumdi, ne a sẽn na n boog y zɩɩbã, aamiin aamiin aamiin.

Yaa sɩda, yaa fo d karen-saamb noangã, ad tõnd yard sẽn duumd bee ne Wẽnnaam la a Alkʋr’aana la a noangã sẽn yaa ziir soaba –yolsg la tɩlgr be a yĩnga- la Rasaa’ɩlʋn Nuura la foog d karen-saam-noangã sẽn yaa boaand n tʋgd Alkʋr’aana, la tõnd ka maand nims ne d sẽn maan tõkr ne Rasaa’ɩlʋn Nuurã ye, sẽn wa n yaa alhaal ning fãa, d le ka tar niya-wẽng d sũya pʋgẽ ba zarat bilgr ye, d le ka baood me rɩlla Wẽnnaam yarda, la wakat fãa Wẽnnaam yardã baoob nonglem paasda tõnd sũyã pʋgẽ.

La tõnd bark-pʋʋsem sẽn ka-tԑk be ne Wẽnnaam, naab ning sẽn vẽneg n wilg -tɩ tõnd meng ka bãnga- tɩ “yaaf-n-bas ned buud sẽn maana tõnd wẽnga, la b yella rɩk-n-bas ne Wẽnnaama, A naam zẽk yã, ayo, pʋs n maan-neer ne nebã fãa gilla, hal ba ne wẽgdb nins sẽn wẽg tõnda” yaa tagems sẽn yi lislaoongã tagems nins sẽn tabend Rasaa’ɩlʋn Nuura karem-bil fãa sũurẽ.

Y karem-bi-valeng a “Hʋsrao”