Masaall a naas n soaba

MASAALL A NAAS N SOABÃ

Yaa wala b sẽn vẽneg “kom-bɩɩs toagendã” pʋgẽ, tɩ mam ma-biis nins sẽn sõgend-b maama n sʋk maam sʋkra:

“Hal rasem pis-nu fo sẽn ka tol n sokd abada (la mosa yɩɩda yʋʋm a yopoe, tɩ ket n yaa alhaal-kãng bala)[1] dũni gill zab-kẽeng ning sẽn yɩ sabab n wa ne sãangã la bugmã widgrã tẽng-gõngã zuga, la sẽn le tara tõkr ne lislaamdã yԑlã, t’a yaool n ka pak fooga, tɩ wẽn-tũudbã la bãngdbã sãnda yaool n basda zãma wã la misa wã la zãma-lagem-n-pʋʋsa, n zoet n tʋgd poasd-dãmbẽ wã n na n tɩ kelg kibayã. Bɩ f togs-m wԑ, yalla yell n be bedlem sẽn yɩɩd yell kãngã bɩ? Bɩ f sã n maan soagl ne yel-kãngã yaa wẽnga”?

Tɩ mam yeele: Ad vɩɩmã ligd-zugã yaa bilf wʋsgo, la yԑl nins maaneg sẽn yaa tɩlԑ wã yaool n yaa wʋsgo.

La gũbs wʋsg n be ned fãa dũni pʋgẽ, wala gũbs sẽn kẽ-taaba, sẽn sɩng ne sũurã gũbri, la pʋ-roogã la la yĩngã gũbri, la zakã la sakã la galʋ-tẽngã, la tẽngã la tẽmsã la tẽn-gõngã gũbri, la nebã n tɩ tãag bõn-vɩɩsã la dũni wã gũbri.

La ned fãa tõe n talla tʋʋmd gũbr fãa pʋgẽ, la tʋʋm kãnsa sẽn tɩ yɩɩda ne bedlem n ka saabo, n tar zu-loԑԑg n yɩɩda bee gũb-kɩdgã pʋgẽ.

La tʋʋmd sẽn yɩɩd ne paoodlma tõe n bee gũb-kẽengã pʋgẽ, la a tõeeme n ka wakat fãa tʋʋmd ye.

Rat n yeelame tɩ tʋʋmã paoodlma la a bedlma wԑgngẽ, b ne gũbsa tũuda taab tũ-tula[2], sã n yaa ne wala sẽn be mag-kãnga pʋga.

La gũb-bedrã tara pãn-takdga, t’a pãn-takdgã yĩng kɩt tɩ ninsaal maan-soagl ne yel-zaal sẽn ka pak-a, tɩ rẽ gɩdgd-a t’a ka tõe n yals ne sõgenegã la tʋʋm nins sẽn yaa tɩlԑ la a yɩɩd ne zu-loԑԑgã sẽn be gũb-kɩdgã pʋga ye, la a sãamd a vɩɩmã ligd-zuga, la a yeebd-a zaalem, la a yeebd a vɩɩmã sẽn tar yõoda bũmb sẽn ka tar yõod pʋgẽ.

La ned ning sẽn pʋgda zab-kãngã ne a sũura fãaga, a yamã tõe n wa lambga zãma a yiiba yembr sasa ninga, tɩ yẽ me naag wẽgdã pʋgẽ n ka bãng ye.

[1] Yaa sẽn kẽed ne masaallã gʋlsg wakato, ka sẽn kẽed ne rũnda-rũnda ye

[2] Rat n yeelame tɩ yembra sã n paase, a yembra boogdame. (lebgdã)

Pipi sʋkrã leokrã: Yaa sɩda, ad b rɩgla ned fãa taoore, sẽn tɩ yɩɩd lislaambã, yell bedlem sẽn yɩɩd dũni gill zab-kãngã, la a tar yõod n yɩɩd tẽn-gõngã gill soogrã, hal tɩ ned fãa sẽn yi b pʋgẽ sã n ra tar arzԑk la pãng sẽn ta Angletԑԑr la Almay arzԑkã la a pãngã bilgri, t’a tar yam, a na rɩk-a fãa gill n kɩs tɩ pa yɩ ne yam-leeb-leeb ye, sẽn na yɩl n paam yel-kãngã a yembra tãa.

La yel-kãnga: Ad nebã sẽn yɩɩdb ne piuug tus-koabga, la nebã nin-ãdsã la toagendb sẽn ka-tԑk kõo kibare, yõs-taab sẽn ka be a pʋgẽ, tɩ b yaa sẽn tik dũni wã soab la a yel-kẽnesdã pʋlems la a alkaool-dãmb tusa –hakɩɩka b sãnda yãnda ne b nifu- b kõo kibar tɩ pʋʋg la naam sẽn ruumdi, b sẽn nags ne sadĩng-rãmb la etaas-rãmb tɩ b yalem ta tẽng-gõngã yalem paoong la a kongr yell la b rɩgl ned fãa taoore, sẽn tõe n tik liimaoongã n paame, la a sã n ka paam liimaoongã sebr gilli, a na n konga yel-kãngã, la tõnd sẽn be zãmaan ninga pʋga, neb wʋsg kongda yel-kãngã ne dũni wã nonglem bãaga sababo. La ned a yembr sẽn yi bãngdba la hakɩɩkã rãmb pʋgẽ maana kaset tɩ tẽng a yembr pʋgẽ la neb sẽn ka ta piig sẽn yi neb pis-naas pʋgẽ paam-a b kũuma nen-soabg wakato, tɩ neb nins sẽn kellã fãa kong-a.

Bɩ f togs-m wԑ, yalla b sã n kõ nin-kãnga soaba dũni wã fãa gill naam, yalla naamã tõe n leds-a-la bũmb a sẽn kong liimaoongã poor bɩ?![1]

La tõnd a nuurã karem-biisã loe-n-wãagame tɩ soaglã maaneg ne yel-yaalsã sẽn ka pak tõnda  –tɩ yaa wala d na n paa dũni wã pʋg abada wã- n basd tʋʋm nins sẽn na n kɩt tɩ d paam yel-kãnga wã, la d basd sõgeneg nins sẽn peegd n tʋgd pʋtẽer-beegr-sõngd[2] sẽn yaa mit boblga, ned ning tɩ neb koabg sã n bobl-a, b pis-wԑ wã fãa ka kongda, yaa yalemd meng-menga.

Rẽ yĩng n kɩt tɩ tõnd paam bãng-n-wãaka, tɩ ba tɩ b sã n paas tõnd ned fãa yam noor koabga, lat t’a na dɩk-a n kẽes yel-kãng a yembrã tʋʋmd pʋgẽ.

[1] Yaa wala Wẽnnaam sẽn yeel Alkʋr’aana pʋga: “ad neb nins sẽn kɩfl-ba, n kell n maan-kaalem ne kɩflma, ba tɩ b yembr fãa sã n wa ne sãnem ne tẽngã poԑԑm n na n yao la a paam a menga, b ka na n tol n deeg-a ye…” (sʋʋrat aalɩ ĩmraan: 91) (lebgdã). {{إن اللذين كفروا وماتوا وهم كفار فلن يقبل من أحدهم ملؤ الأرض ذهبا ولو افتدى به...}}

[2] Avoka, la raaba ne avoka wã yaa Rasaa’ɩlʋn Nuura. (lebgdã)

La yaa yãmb m ma-bi-sãams bãns-roogã mosɩɩb pʋga, ad yãmb nan ka lik n bãng Rasaa’ɩlʋn Nuura wala m ma-b-kʋd nins sẽn lagem maam n kẽ bãns-roogã sẽn bãng-a wã to ye, la m yetame -tɩ nin-kãnsã la bãmb-taab tusa sẽn yaa Rasaa’ɩlʋn Nuura karem-biisi yaa kaset m koԑԑgã zugu- la m sɩdgdẽ -la m sɩd sɩdg n wilgame- tɩ Rasaa’ɩlʋn Nuura sẽn yaa bũmb sẽn wẽk la sẽn bul n yi Alkʋr’aana maana soalgdgã sẽn tar yel-soalma pʋga, sẽn paama yel-kãnga n kõ neb pis-wԑ sẽn yi koabg pʋga, la sẽn kõo neb tus-pisi sɩd-sɩd liimaoong ning sẽn yaa yel-kãnga paoongã sebrã la a tikda, yʋʋm pisi pʋga, yẽ la pʋ-tẽer-beegr-sõngd sẽn yɩɩd ne sõma zãmaan-kãnga pʋgẽ.

La ad ba ne mam bԑԑbã la dĩinã tõtba la materialɩst-dãmba[1] sẽn zãmb goosneema wã zãadba sãnda ne b alkaoolã yidgrã, hal yaoolem yʋʋm piig la a nii kãnga pʋga, la b kẽes tõnd bãns-rotã pʋsẽ wakat sẽn looga, tɩ b raaba yaa sẽn na yẽes tõnda, wala b sẽn le kẽes-d woto yԑsa, ad-b ka tõog n gɩdg masaall ba a yembr sẽn yi masaala koabg la pis-tã nins sẽn be Rasaa’ɩlʋn Nuura tãn-kԑgengã pʋga ye, sã n pa masaala a yiib bɩ tãab bala, sã n yaa woto, ad ned ning sẽn data pʋtẽer-beegr-sõngd n boble, a sã n paam Rasaa’ɩlʋn Nuura sek-a lame.

Ra yԑԑs-y tɩ Rasaa’ɩlʋn Nuura ka na n tol n tal gɩdgr ye.

Masaal-rãmba sẽn tar yõoda sẽn yi “Rasaa’ɩlʋn Nuura” pʋg fãa sẽegda ne soog-m-meng sẽn pidi -sã n pa masaala a yiib bɩ tãabo-  ne tẽngã goosneemã taoor-dãmb la a zãadb nugu, la Wẽnnaam sã n sake, daar n be tɩ bãns-roogã taoor-rãmba la a tʋʋm-tʋmdba sẽn yab zu-noog rãmba na n pʋɩ bãns-roogã kõamb nuura kãnsa wala b sẽn pʋɩt-b burã la tɩɩmã, sẽn na yɩl n wẽnems bãns-roogã tɩ lebg manegr la zʋglg zaka.

[1] Yaa neb nins sẽn ka kõt sɩd ne bũmb belem rɩllame tɩ bũmba tar yĩnga.