 Masaall a ni n soaba

MASAAL A NI N SOABA KƲMBGO

Tõnd da sʋkda tiging daarã yell zĩis wʋsgo,“Masaall a yopoe n soaba” pʋgẽ, la d Naandã sẽn leok tõnd ne a yʋyã kõo tõnd bãng-n-wãak la sek-m-meng sẽn tar pãnga, hal n ka tol n bas bũmb sẽn dat sʋkr ye, rẽ n kɩt tɩ d sek d mens ne bũmb ning sẽn be be wã.

La mosa, d na n gila koabg pʋgẽ yembre, dũni wã la laahrã zu-noogã nafa-rãmbã la b yõod nins sɩd-kũunã ne laahrã sẽn kɩt tɩ f paama, masaal-kãngã pʋgẽ.

Ãmmaa neng ning sẽn tara tõkr ne Laahr zu-noogã, d na n wẽnemsa yẽ n kẽng Alkʋr’aana sẽn yaa yel-soalem-vẽeneg soaba pʋgẽ, bala a vẽnegrã ka tol n bas bũmb sẽn le rat vẽnegr a to ye, la d na n vẽnega ka –ne gilb sẽn yaa koԑԑga- yõod a tãab bɩ naas bal sẽn yi yõod kobs pʋgẽ, sẽn tar tõkr ne ninsaal mengẽ vɩɩmã la a zĩid-n-taarã vɩɩm, la d bas neng ning sẽn tara tõkr ne dũni zu-noogã vẽnegr ne Rasaa’ɩlʋn Nuura.

A rẽenem soaba:

Ad ninsaalã ka wala rũmsã ye, wala a sẽn tar tõkr ne a zakã, ad woto bala a tara tõkr ne dũni wã, la wala sẽn tar rogem-tõkr ne a rog-pẽtsã, ad-a le tara tõkr sẽn yaa kԑgeng n tar pãng n le yaa rog-ne ne ninsaal buuda[1], la wala a sẽn maand yamleoog n na n pa wakat saar pʋgẽ dũni wã pʋga, ad a maanda yamleoog yԑs sẽn ta nonglem-kԑgeng zĩigẽ, n na n pa ruumg zak pʋgẽ, la wala a sẽn nidgd pãng n na n paam rɩɩb n pids a pʋgã tʋlsma, ad woto bala, a le tara yalɩ tʋls-kԑgenga, tɩ yaa tɩlԑ ne-a t’a bao rɩɩb la rɩtl sẽn yalem wala dũni wã yalem, pa rẽ bɩ sẽn yadg n tɩ tãag abada, n kõ yamã la sũurã la yõorã la nedengã, la a sɩd maan nindg-pãng rẽ yĩnga, la a le tara yamleoog la tʋlsem-dãmb bũmb sẽn ka tõe n sԑk-a sã n pa zu-noog sẽn duumdi. Mam sʋk m mengã daar a yembr m yãadr wakatẽ –wala m sẽn wilg-a gomd piig n soaba pʋga- n yeele: Yalla fo ratame tɩ b kõ-f yõor sẽn duumd yʋʋm minyõ n lagem ne dũni wã naam, rẽ poorẽ t’a baasga wa yɩ kũum la kaalem? Bɩ f rata belem-ruumdg sẽn yaa belem bal n le tar musakse? Tɩ mam mik t’a maanda yamleoog ne yiib n soaba, la a zoet n zãagd rẽenem soaba, n yetẽ: M data paabã ba na yɩ Gԑhanma pʋgẽ.

[1] Wala nin-sablsã la nin-peelsã

Sẽn mik tɩ dũni-kãngã wʋm-noodã ka tɩgsd bʋgsgã pãng ning sẽn yaa sõgen sẽn yi ninsaalem yalɩ sõgen-dãmba pʋga, sã n yaa woto, sik ka be tɩ ninsaalem yalɩ sẽn gũbga tara rog-ne-tõkr ne vɩ-ruumdgã ye.

Ad sɩd-kũuna ne Laahrã ninsaal sẽn yaa tal-bengra nengẽ -ned ning ligd-zugã sẽn yaa gɩrg sẽn yi yam-yãk gɩrgã pʋga, la sẽn tara tõkr ne tʋlsem-dãmb la saag kãnsa sẽn ka tar tԑka- yaa tɩ-bil la yõodo, bala a yaa sãnem-baoor sẽn zɩse, n yaa sẽn sek n pidi, n le yaa zu-noog la wʋm-noog zĩiga, la sõngr kosg zĩiga, la dũni wã yɩɩrã sẽn ka-tԑka sũ-maagr zĩigã, rẽ yĩnga, ba tɩ ninsaalã sã n dɩk a dũni vɩɩma fãa n kõ sẽn na yɩl n paam-a, hakɩɩka yaa bũmb sẽn yaa nana.