Tɩ-bil masaallã: A tara masaala piig la a yembre
NAVIGATION
1. Page
TƖ-BILÃ MASAALLE
DENIZLI BÃNS-ROOGÃ TƖ-BIL A YEMBRE
SƲ’AA’ PIIG LA A YEMBR N SOABÃ
Masaal-kãngã yaa sõngr ne Rasaa’ɩlʋn nuurã, dĩin-munaafɩklmã la kɩfendã sẽn ka-tԑka taoore. A le yaa tõnd sõngd meng-meng d bãnsã ro-kãnga pʋgẽ, tõnd me ka tʋmd rɩlla rẽ yĩnga.
Masaal-kãngã yaa Denizli bãns-roogã tɩ-bil a yembre, la a tẽegr a yembre. Yaa Arzũm rasem-dãmb a yiib pʋgẽ la m paam-a.
بِسْمِ اللهِ الرَّحْمنِ الرَّحِيمِ
﴿فَلَبِثَ فِي السِّجْنِ بِضْعَ سِنِينَ﴾ (يوسف:42)
“A zĩnda bãnsã roog pʋgẽ yʋʋm bilf pʋgẽ” (sʋʋratʋ Yʋʋsʋf 42)
Aaya-kãngã maana solgdgã kõta kibar t’a Yʋʋsʋf yaa bãns-roogã koamb taoor-soaba. Sã n yaa woto, d tõe n yeelame tɩ bãns-roogã yaa “Yʋʋsʋf Karen-doogo” (tɩlgr be a yĩnga).
La sẽn mik tɩ Rasaa’ɩlʋn nuurã karem-biisã wʋsg n kẽ karen-do-kãngã pʋgẽ noor a yiiba, sik ka be tɩ yaa tɩlԑ tɩ d rɩk masaala-rãmba la kaoreng nins Rasaa’ɩlʋn nuurã sẽn sɩdga n zʋgl d mensã ye, la d rɩk bũmb ning sẽn tar tõkr ne bãns-roogã sẽn be Karen-do-kãnga pʋga, b sẽn pak wubrã yĩnga n zʋgl d mensã ye. Rẽ yĩnga, d na n vẽnega masaala a nu bɩ yoob sẽn be masaal-kãnsã pʋgẽ.
2. Page
PIPI MASAALLÃ
Wala b sẽn vẽneg “gomd a naas n soabã” pʋga, tɩ tõnd soabã kõta tõnd lԑԑr pisi la a naas raar fãa pʋgẽ, sẽn yi vɩɩmã ligd-zugã pʋgẽ, sẽn na yɩl tɩ d rɩk d ligd-zug kãng n ra bũmb ning fãa sẽn yaa tɩlԑ d vɩɩm a yiibã yĩnga[1]. Sã n yaa woto, bõe tudgr n le zem tõnd sẽn na n dɩk lԑԑr pisi la a tãab n tʋm dũni vɩ-koԑԑg wʋsga yĩnga, n yaool n ka rɩk lԑԑr a yembr tãa sẽn sekd pʋʋsgã wakat nu wã n tʋm Laahrã vɩɩmã sẽn yaa vɩ-wok wʋsga yĩnga? La sõor wãn-wãn la tõnd na n le paam namsg sẽn namsd sũur la yõore, tudg-kãnga yĩnga? La nams-kãnga wẽng yĩnga, tõnd zʋgdã na n sãamame, tɩ d vɩɩmd d vɩɩmã fãa ne tẽ-wãagre, zĩ-kãnga la d na n kong kongr sẽn bedme, ne tõnd sẽn bas wub-kãnga wã yĩnga, pa gomda tõnd sã n dag n pʋs n ka paam-a menga, bɩ d mag-n-gese.
La ad tõnd sã n dɩk lԑԑr a yembr n kẽes pʋʋsgã wakat a nu wã pʋgẽ, sasa ninga, bãns-roogã la mosɩɩbã lԑԑr a yembr fãa dɩkda raar a rembr tũudum zĩiga. A lԑԑr-satg a yembr dɩkda lԑԑr-rãmb sẽn paad n duumdẽ zĩiga, tɩ tẽebã wãagrã la sũurã ne yõorã namsgã sa, la a le yɩ sabab tɩ b yaaf-n-bas tõnd tudg-rãmb nins sẽn kẽng ne tõnd bãns-roogẽ wã, n yɩ zũnuub-yaafg ne-a, la d paam wubr ning sẽn yaa bãns-roogã raabã. Bɩ ned fãa tags tɩ yaa woto la yõod ning a sẽn paamd bugs-n-gԑsgã la kaorengã la tũud-n-ta-sõngã la sũ-maagr ne a zo-rãmbã sẽn be mosɩɩbẽ wã pʋga.
La yaa wala b sẽn yeel “gomd a naas n soabã” pʋga, ned sã n be n tõe n kẽ a leera pisi la a naasa pʋgẽ, n yãk leera[2] a nu bɩ piig n tão lotori, neb tusr sẽn lagem a soab pʋgẽ wã, sẽn na yɩl n paam leera tusr yõodo, la a yaool n ka tõe n kẽ a leera pisi la a naasã pʋgẽ n yãk leera a yembr n paam sãnem-baoor sẽn duumd tike, tɩ leera tusr kãng sẽn be dũni lotori wã pʋga paoong tẽeb yaool n yaa yembr tusr pʋgẽ, bala neb tusr n lagem a pʋgẽ, la ãmmaa laahrã baooba, a paoonga tẽeb ne liimaoongã rãmb nins sẽn paam baas-neerã yaa kobs-wԑ la pis-wԑ la a wԑ tusr pʋgẽ, ne kiba-kɩtb sẽn yaa sɩd rãmb sẽn ka-tԑk sẽn togse, sẽn yaa waliimb la nin-yɩlmã, sẽn sɩdgdb nabiyaam-dãmb tus-koabg la pisi la naasã ne bãng-n-wãaka, bɩ d mag-n-gese, yaa bõe yam-kaalg n zem bas yiib n soaba n tʋg pipi soaba sẽn yaa lotori wã?!
[1] Raabã yaa: Duni vɩɩmã la Laahr vɩɩmã
[2] Yaa Turki ligd yʋʋre.